Gjithmonë ka pasur kuriozitet për rrogën e punonjësve të shtetit dhe drejtuesve të institucioneve të ndryshëm.
Por këtij kurioziteti i është përgjigjur kryetarja e Bashkisë Shkodër Voltana Ademi.
Përmes një postimi live në faqen e saj të Facebook, kryetarja e bashkisë së Shkodrës, u ka dhënë përgjigje shumë qytetarëve.
Një nga ndjekësit e pyet kryetaren e bashkisë se sa lekë do për vete dhe sa për qytetin e Shkodrës, ndërsa Voltana Ademi i ka zbuluar se sa e ka rrogën.
- Qytetari: Sa lekë i do për vete dhe sa i do për Shkodrën?
Voltana Ademi: Bashkia e Shkodrës i menaxhon fondet në mënyrë transparente. Unë e lexova para disa ditësh pyetjen dhe do them sa e kam rrogën fiks. Rroga ime është 129 mijë e 124 lekë. Kjo është vlera që unë paguhem si kryetare e bashkisë Shkodër. Kuptohet të gjitha paratë e tjera menaxhohen në bazë të ligjit.
