Edhe pse jemi në ditë festash dhe lëvizjet me makinë bëhen edhe më të shpeshta, kujdesi për të respektuar rregullat e qarkullimit rrugor duhet të jetë edhe më i madh. Gjatë këtyre ditëve ka patur një aksion të shtuar kontrollesh të policisë, për të garantuar rendin edhe sigurinë gjatë festave. E kur vjen puna te kontrollet, policia nuk i ka kursyer gjobat për qytetarët. Pikërisht sonte në Tiranë ka ndodhur një rast i dyshimtë në rrugën “Perlat Rexhepi”.
Qytetari që ka dërguar videon në “JOQ.al” pretendon se policia kishte zënë vendin e parkimit, dhe ky po priste deri sa ata ta lironin meqë ishin me drita ndezur, por sapo kanë dalë nga lokali i kanë vënë gjobë menjëherë.
“Përshëndetje JOQ! Kjo është policia e “pa korruptuar” e shtetit shqiptar, e cila sapo doli nga lokali ku i qerasi pronari i asaj makinës që është parkuar në trotuar. Policat kishin zënë vendin e parkimit aty siç duket në video dhe unë parkova makinën më tutje që të prisja policat sa të largoheshin meqë ishin më drita ndezur.
Kur ata dolën nga lokali ju drejtuan direkt makinës time dhe gjobën që kishin bërë gati për personin që është pronari i lokalit ma vunë mua direkt”, shkruan ai për “JOQ.al”.
