Në Panarin e Punës në Elbasan, një qytetar ka denoncuar tek kryeministri Rama ish-drejtorin e policisë në Selenicë, Bernard Caushin për ushtrim dhune.
Qytetari tha se ish-drejtori i policisë nuk e lejon që të ushtrojë aktivitetin e tij në një gurore prej 2 vitesh duke i bllokuar rrugët dhe shkatërruar mjetet.
Ai shprehet se zotëron lejen nga Bashkia dhe se ka kërkuar disa herë ndihmë, por nuk ka gjetur zgjidhje.
Kryeministri Rama i la numrin e kontaktit dhe i kërkoi që me mesazh ti tregonte të gjitha detajet e ngjarjes në mënyrë që ti zgjidhte problemin.
Qytetari: Kemi pengesat tona por e përgjithshmja ecën mirë. Ne kemi nevojë për 10 punonjës. Por kemi pasur probleme në punë. Meqë erdhët do t’ju tregoj edhe disa fotografi që i shërbejnë punës. Kemi një gurore që me skavatorët më të mirë. Ne kemi guroren tonë në Selenicë në Vlorë.
Edi Rama: Ku është problemi juaj?
Qytetari: Ish-drejtori i policisë Bernard Caushi na ka bllokuar rrugën prej dy vitesh, ka ushtruar dhunë, duke thyer mjetet. Nuk funksionon. Kemi kërkuar ndihmë shumë herë.
Edi Rama: Përse e ka mbyllur rrugën?
Qytetari: Kjo rruga është bashkisë, i kemi marrë edhe letrat të gjitha, nuk na le të kalojmë, ngjit me ne ka guroren e vet.
Edi Rama: Po ai punon?
Qytetari: Po punon, është ish-drejtori i policisë në Selenicë.
Edi Rama: Më dërgo një mesazh mua në numrin tim dhe më shpjego më me detaje.
