Vjen pergjigja e radhes e gazetares italiane, pjese e ekipit qe realizoi reportazhin e emisionit investigativ italian “le lene”, per femijet qe punojne ne Bulqize, pas deklarates se kryeministrit Rama, “se edhe atje ka kazane sa te duash”.
Në një komunikim përmes e-mail, Newsbomb pyeti gazetaren Alice Martinelli nëse akuzat e kryeministrit Rama qendronin apo jo. Martinelli u përgjigj duke thënë se ato që Rama ka artikuluar kundër tyre janë absolutisht të pavërteta.
Në përgjigjen e saj gazetarja Martinelli thotë se për këtë gjë, ajo bashkë me kolegun e saj kanë provat që tregojnë se filmimet janë aktuale dhe të marra gjatë muajit tetor të këtij viti.
Në fund Alice Martinelli sqaron se kryeministrit shqiptar i leverdis që të thotë atë ka thënë, por se e vërteta është ndryshe.
Më poshtë e-maili i gazetares Alice Martinelli:
Përshëndetje Ardit,
Ajo që thotë kryeministri është e rreme, si dhe dëmton punën tonë. Pamjet janë realizuar më pak se një muaj më parë. Unë dhe kolegu im arritëm në Bulqizë më 13 tetor 2017 dhe kemi xhiruar imazhet dhe intervistuam nga 14 deri më 16 tetor 2017.
Ne kemi dëshmi për atë që themi, kemi foto dhe video me datën e regjistrimit, biletat e hoteleve, faturat e ushqimit … Të gjitha.
Kryeministrit sigurisht që i leverdis ta thotë këtë, por realiteti është një tjetër.
Punë të mbarë!
Ja çfarë tha Rama para disa ditësh për reportazhin e “Le Iene” në Bulqizë:
“Më erdhi inat me ca italianë se dhe atje kazanë sa të duash ka. Kishin bërë një reportazh të ndyrë për Bulqizën me filmime të vjetra, me fëmijët që turreshin për të mbledhur krom. Faktikisht sot nuk është më si fenomen. Ka raste sporadike, por nuk është më. Po ishin filmime të vjetra mo… edhe e nxjerrin atje: “Ja Shqipëria, turren…tmerr. Tmerr. Çfarë të thuash!”
Por pas këtyre akuzave shumë të ashpra të Ramës, redaksia e newsbomb.al u vu në kërkim dhe arriti që të lidhej në kontakt me gazetarët italianë, autorë të reportazhit.