everia qendrore e Spanjës ka ftuar udhëheqësin katalanas Carles Puigdemont që të marrë pjesë në zgjedhjet e reja për rajonin.
Ftesa për pjesëmarrje vjen pas sfidës që i shpalli lideri katalanas qeverisë qendrore për një “opozitë demokratike”.
BBC raporton se qeveria e Madridit ka votuar për mbajtjen e zgjedhjeve të reja në parlamentin rajonal si dhe fton liderin e shkarkuar Puigdemont të marrë pjesë në to. Ndërkohë, zgjedhjet e parakohshme janë përcaktuar të mbahen në 21 dhjetor.
Madridi zyrtar i hoqi autonominë Katalonnjas, pasi parlamenti rajonal votoi pro shpalljes së pavarësisë.
Spanja është përfshirë nga një krizë kushtetuese, pas referendumit të pavarësisë të organizuar nga qeveria separatiste e Puigdemont.
Për qeverinë qendrore, referendumi është realizuar në kushtet e antikushtetueshmërisë dhe më pas e shpalli të paligjshëm.
/AlpeNews.al/
