Qeveria shqiptare dhe Bashkia Shkodër kanë miratuar lejen për rkonstruksionin e “Kafes së madhe” në qytetin e Shkodrës.
Rikostruksioni i kësaj godine autentike ka filluar më datë 16 janar të këtij viti.
Kafja e madhe është një ndër krenaritë e qyetit të Shkodrës, kjo për shkak të autenticitetit dhe vlerave që ky objekt ka. E ndërtuar rreth vitit 1920 sipas stilit austro-hungarez , “Kafja e madhe” u bë një ndër simbolet e qytetit dhe një dhuratë e vyer që artisti Kolë Idromeno i la vendlindjes.
Ajo është vlërësuar si monument arkitekturor, ndërkohë që prej shumë vitesh ishte kthyer në një gërmadhë.
PIKETAKIMI PER ELITEN. Një foto historike përpara Kafes së Madhe në Shkodër, 1938. Ja pse ky objekt është ikonik jo vetëm për “kryeqytetin” e veriut të vendit.
Nga e majta: Gaqo Tasho, Lola Gjoka, Ernest Koliqi, Dom Nikoll Koliqi, Tefta Tashko, Aleks Stavre Drenova (ASDRENI), Lasgush Poradeci, Gjergji Canco dhe Koço Tashko.
Gjatë restaurimit do të ruhet modeli dhe vlerat autentike të së kaluarës, duke i ndërthurur këto edhe me elemente të tjera të cilat i përkasin së tashmes.
Tashmë qytetarëve të Shkodrës do t’u rikthehet një pjesë e nostalgjisë për qytetin e e tyre të dashur. Ndërsa për turistët të cilët do ta zgjedhin këtë të fundit si destinacionin, ky objekt do të jetë një pikë më tepër në hartën e vendeve për tu vizituar.
