Parku kombëtar i Divjakës është kthyer në një nga destinacionet më të preferuara për turistët vendas por edhe ata të huaj. Në këtë zonë muajt e verës kanë shënuar fluks turistësh nga të gjitha vendet e botës. Ata jo vetëm vijnë të kalojnë pushimet e tyre në Divjakë, por sjellin dhe marrin traditat. Turistët shprehen se janë të mahnitur nga kjo perlë e Shqipërisë.
“Jemi nga Hungaria, Budapesti, jemi prej tre ditësh në Shqipëri, është një shtet shumë i veçantë dhe i mrekullueshëm. Një natë do të rrimë në Divjakë, këtu është një vend shumë i bukur dhe i qetë. Jemi të mahnitur. Është një perlë e Shqipërisë. Këtu ka shumë shpendë të bukur, njëri prej tyre është pelikani . Është me të vërtetë shumë bukur dhe shumë qetë këtu” tha disa prej tyre.
Parku Kombëtar i Divjakës, i njohur për Pelikanin Kaçurrel, pyllin me pishe, plazhin, Laguna me burimet e saj të peshkimit, e shumë atraksione të tjera, ofron një ambient unik për pushuesit.
