Presidenti i Leganesit, ku aktivizohet edhe shqiptari Berisha, i transferuar nga klubi i Tiranës, duket se ka dërguar një kërkesë të çuditshme në ligën spanjolle, dhe mesa duket është miratuar.
Leganesi do të luante në transfertën me Seviljen në orën 16:30, ditën e shtunë, por bashkë me mirëkuptimin e vendasve, kanë dërguar një ankesë, me pretendimin se në atë orar do të jetë shumë vapë dhe do të ishte e pamundur të luhej një ndeshje futbolli.
La Liga e ka miratuar këtë kërkesë, duke parë edhe parashikimet e motit, dhe ndeshja është shtyrë për në orën 22:30. Tek Leganesi është transferuar edhe Elvi Berisha, nga skuadra e Tiranës, por deri më tani është grumbulluar vetëm nga ekipi i dytë.
