Qentë mund të përfytyrojnë objekte specifike bazuar në erën e tyre, dhe befasohen nëse nuk gjejnë atë që presin.
Në një studim që përfshiu qenë të trajnuar dhe të pa trajnuar, shkencëtarët zbuluan dëshmi se ata kanë pritshmëri për atë që do të gjejnë kur ndjekin një erë dhe ata duken të befasuar kur rezultati përfundimtar nuk përputhet me pritjet e tyre.
Studimi është kryer nga Instituti Max Planck mbi Shkencën e historisë njerëzore, shkruan Daily Mail.
Ekspertët thonë se rezultatet e provave tregojnë se qentë kishin një përfaqësim mendor të objektit që po gjurmonin.
“Krahasimi midis qenve shpëtues dhe atyre të familjeve ishte gjithashtu interesant”, tha Juliane Brauer, udhëheqëse e studimit.
Me gjithë pritjet që qentë shpëtues do të ishin më të shpejtë në zbulimin e objekteve, ekipi gjeti që të dy grupet kishin kohë të ngjashme në gjetjen e tyre.
