Një 48-vjeçar është arrestuar në lidhje me një atentat të ndodhur më 26 gusht në fshatin Dushnik, ku një automjet u qëllua me armë zjarri me qëllim vrasjen e drejtuesit të tij.
Hetimet kanë zbuluar se i arrestuari, I.T., ka ndihmuar autorët e krimit duke i larguar ata me automjet nga vendi i ngjarjes. Automjeti i përdorur nga autorët u gjet i djegur në fshatin Kozare. Aktualisht, grupi hetimor po vazhdon kërkimet për identifikimin dhe kapjen e autorëve të tjerë të përfshirë.
Materialet e çështjes i janë dërguar Prokurorisë pranë Gjykatës së Shkallës së Parë të Juridiksionit të Përgjithshëm Berat për procedura të mëtejshme.
