Qyteti i Laçit u trondit mbrëmjen e djeshme nga vrasja e dy kushërinjëve Mikel dhe Jani Jushi, pas një konflikti me disa persona të tjerë.
Sipas Policisë, në vrasjen e 2 kushërinjëve kanë marrë pjesë tre persona që janë identifikuar dhe shpallur në kërkim. Autorët e dyshuar janë: Markel Bushi, 25 vjeç, Vinçens Bushi, 28 vjeç dhe Manuel Bushi, 23 vjeç. Mësohet se dy nga autorët janë vëllezër, Markel dhe Manuel Bushi.
Mirëpo menjëherë pas ngjarjes së rëndë autorët janë larguar nga Laçi për ti shpëtuar Policisë, ndërkohë që njëri prej tyre është kapur nga kamerat në Tiranë.
Në videon e siguruar nga Gazeta Mapo shihet njëri nga autorët e vrasjes së dy kushërinjëve Mikel dhe Jani Jushi, i cili i vë flakën mjetit të vetë në një rrugicë në zonën e Laprakës.
Siç shihet dhe në videon e mëposhtme, fillimisht njëri nga autorët vëzhgon me kujdes nga rruga kryesore për tu siguruar që nuk ka lëvizje dhe më pas hedh një ndezës brenda makinës së spërkatur me benzinë, e cila shpërthen menjëherë në flakë.
