Klodiana Çela, 49-vjeçarja e cila qëlloi me armë babain e vajzës së saj në Greqi do të dalë sot para hetuesve.
49-vjeçarja do të njihet me akuzat, si vrasje në tentativë në gjendje të qetë shpirtërore, armëmbajtje pa leje, kërcënim në familje dhe tentativë për rrëmbim të mituri nën 14 vjeç.
Të premten e kaluar, duke hyrë në zyrën e hetuesisë, ajo tha për babain e fëmijës të saj, të cilin e qëlloi duke e lënë të plagosur se i kishte rrëmbyer vajzën.
“Më rrëmbeu vajzën për pesë vjet dhe e dhunoi dhe prokurori për të mitur nuk bëri asgjë. Në 10 kam qenë te ministri i Drejtësisë dhe kam bërë kallëzim,” është shprehur ajo.
Në fakt, kur u largua nga gjykatat, ajo u tha gazetarëve gjithashtu:“Nuk doja që t’i ndodhte askujt ndonjë e keqe… por e shpëtova fëmijën tim me jetën time. Unë nuk e kisha parë fëmijën tim për pesë vjet … Rrëmbyesi dhe përdhunuesi i saj, ai i dha drogë dhe tha se kishte epilepsi. E përdhunoi, bënë gjithçka për pasurinë time, bashkë me mjekë të tjerë. Mjekë të famshëm që dalin nëpër kanale dhe flasin për mbrojtjen e qytetarëve. Më lanë pa shtëpi, ma morën fëmijën… Unë dua fëmijën tim, asgjë tjetër”.
E akuzuara dyshohet se kanë qëlluar 68-vjeçarin para syve të frikësuar të vajzës së tyre. Okulisti është shtruar që nga e enjtja e kaluar në Repartin e Mjekimit Intensiv të spitalit “G. Gennimatas” me gjendjen e tij shëndetësore kritike por stabile.
