Deri para pak kohësh askush nuk e dinte se me anë të opsionit ‘Mute notifications’ ne mund të bllokonin InstaStory-t e përdoruesve që s’donim t’i shihnim, ose të bënim të mundur që fotot tona në Story të shiheshin nga një audiencë selektive (Hide notifications from..) Por Instagrami na i paska thjeshtëzuar më shumë punët dhe ne nuk e paskemi ditur.
– Komentet e tipit ‘O e bukura e fisit’ apo ‘Të puth halla nga larg’ shumë njerëz i kanë bezdi dhe tashmë ka zgjidhje për këtë problem. Tek Settings-Comments ju shfaqet opsioni ‘Block Comments from’ dhe aty mund të vendosni emrin e përdoruesit që nuk doni t’ju komentojë. E mira është se ai/ajo nuk njoftohet për faktin se ju e keni bllokuar, përkundrazi do vazhdojë t’ju komentojë, por komentet do të jenë të dukshme vetëm për atë. Gjithashtu keni mundësi që të shmangni komentet që përmbajnë gjuhën e urrejtjes dhe fjalor ofendues vetëm duke shkruar fjalët e papërshtatshme.
– Nëse Instagrami juaj është publik, është e kuptueshme që do të merrni mesazhe nga njerëz që nuk i njihni dhe nuk keni interes, ndaj për të shmangur këtë (reply) zgjidhni opsionin ‘Followers you follow back’ në mënyrë që t’i vini re më lehtësisht mesazhet e miqve.
– Filtrat që përdorni më shpesh mund t’i vendosni pranë e pranë në mënyrë që ta kemi më të lehtë përzgjedhjen. Mbani shtypur filtrin dhe zhvendoseni në pozicionin ku dëshironi.
– Për të mos humbur asnjë postim të profileve në Instagram që përbëjnë interes për ju, mund të aktivizoni ‘Turn on Post Notifications’ dhe do të njoftoheni për çdo postim të ri.
– Ah, edhe diçka! Nuk është ende zyrtare, por të gjithë përdoruesit po pohojnë se funksionon. Nëse doni të shihni InstaStory-n e dikujt, por nga ana tjetër nuk e keni me qejf që ai/ajo ta marrë vesh që e keni parë, mund të ndiqni këto hapa dhe do të funksionojë. Hapni Story-n e personit që ndodhet para tij në listë dhe duke e mbajtur shtypur, zhvendosni dorën majtas. Kështu ju do e shihni postimin, por fshehtazi.
