Edukimi mjedisor synon të bëhet pjesë integrale e kurrikulave të shkollave që në klasën e parë.
Nisma e iniciuar nga Ministria e Turizmit dhe Mjedisit ka nisur të zbatohet në shkollën 9-vjeçare “Ardian Klosi”.
Gjatë aktivitetit ku u prezantua paketa e gjelbër, Ministri Klosi tha se edukimi i brenzave është mënyra më e mirë për të kultivuar dashurinë për natyrën.
Klosi: Ky libër i bukur i bërë me kaq shumë dashuri nga ekspertët e Mjedisit është bërë aq i mirë sa për çdo njërin nga ju që dini tashmë të lexoni kur ta merrni në dorë do kuptoni që është një liber, që ju shton dashurinë për natyrën, ju shton dashurinë për pemët, ju shton dashurinë për kafshët, i mëson nxënësit e të gjitha niveleve se për të pasur më shumë dashuri për natyrën duhet ta fillojmë këtë edukim që në moshë të re, që në moshën tuaj.
Klosi u kërkoi fëmijëve të bëhen pjesë e fushatës ” Krijo oksigjenin tënd”për të mbjellë pemë, si simbol dashurie për natyrën dhe jetën.
Në 1 mars, Ministri tha se do t’u kërkojë gjithë fëmijëve në gjithë Shqipërinë që të mbjellin një pemë që ta kenë gjatë gjithë jetës së tyre.
