Një 27-vjeçar në Durrës është vënë në pranga nga Policia pasi u kap teksa po qarkullonte me armë në qytet.
Sipas policisë “Specialistët për Krimet në Komisariatin e Policisë Durrës kanë arrestuar në flagrancë shtetasin: Artan Dema 27 vjeç, banues në Durrës”.
NJOFTIMI I PLOTË
Vihet në pranga një shtetas, i cili qarkullonte me armë në ambiente publike. Sekuestrohet një armë zjarri pistoletë.
Specialistët për Krimet në Komisariatin e Policisë Durrës kanë arrestuar në flagrancë shtetasin: Artan Dema 27 vjeç, banues në Durrës.
Uniformat blu kanë marrë informacion për një konflikt në një lokal në lagjen nr.14 Durrës, ku kanē ndërhyrë menjëherë dhe gjatë kontrollit është konstatuar se shtetasi A.Dema ishte konfliktuar për motive të dobëta me shtetasin S.B. dhe dispononte një armë zjarri tip pitosletë pa leje, e cila është sekuestruar në cilësinë e provës materiale.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Prodhimi dhe mbajtja pa leje e armëve luftarake dhe e municionit , në ambiente publike” në ngarkim të shtetasit A.Dema parashikuar në nenin 278/5 të Kodit Penal dhe ” Plagosja e lehtë me dashje” në ngarkim të shtetasit S.B. parashikuar në nenin 89 të Kodit Penal.
