Zbardhet edhe lista Partisë Socialiste për qarkun e Lezhës në zgjedhjet e 11 majit.
Dy emra do jenë të listës së mbyllur, 7 në listën e hapur, 4 prej tyre janë gra. Në listën e mbyllur do jenë Ulsi Manja si drejtues politik i qarkut dhe Ermal Pacaj.
Lista u prezantua nga drejtuesi politik i qarkut, njëkohësisht ministri i Drejtësisë, Ulsi Manja. Gjashtë nga kandidatët i përkasin rrethit Lezhë, 2 nga Kurbini dhe 1 nga Mirdita. Por bie në sy fakti se një prej emrave i përket Diasporës, teksa Manja e cilësoi se Lezha do bëhet me 4 bashki si qark.
“Janë të moshave, profesioneve dhe eksperiencave të ndryshme, vlera të shtuara”, tha ministri, teksa bie në sy fakti se pjesa më e madhe i përkasin portalit “Deputeti që duam” i PS.
Më i riu nga kandidatët është i moshës 26 vjeç.
Lista e qarkut Lezhë të PS:
Lista e mbyllur:
Ulsi Manja, ministër i Drejtësisë, drejtues politik, Lezhë
Ermal Pacaj, Psikologji Shkenca sociale, portali “Deputeti që duam”, Lezhë
Lista e hapur:
Admir Kadeli, Ekonomist-Financë, portali i PS, Lezhë
Andon Gjoni, Informatik-Ekonomike, IT, portali i PS, më i riu, Lezhë
Klotilda Ndreca, Shkenca Sociale, portali, Lezhë
Erjon Markaj, Drejtësi-Ekonomi, portali i PS, Lezhë
Marjeta Nela, mësuese, portali i PS, Kurbin
Aurora Reçi (Gjeloshi), Administrim-Biznes, prurje e re, Kurbin
Pranvera Skana, Histori-Filologji, media, portali i PS, Mirditë
