Presidenti rus Vladimir Putin deklaroi se ai është i hapur për t’i ofruar SHBA-së akses në minerale të rralla, duke përfshirë edhe Ukrainën e pushtuar nga Rusia.
Kjo vjen pasi presidenti i SHBA-së Donald Trump ka kërkuar vazhdimisht që Ukraina të heqë dorë nga disa nga mineralet e saj në këmbim të mbështetjes, në një marrëveshje që aktualisht është duke u finalizuar, sipas një ministri ukrainas .Në një intervistë televizive shtetërore të hënën, Putin tha se ishte gati të “ofrojë” burime partnerëve amerikanë në projekte të përbashkëta, duke përfshirë minierat në “territoret e reja” të Rusisë – një referencë për pjesët e Ukrainës lindore që Rusia ka pushtuar që nga fillimi i një pushtimi në shkallë të plotë tre vjet më parë.
Sipas tij , propozimi mund të shohë gjithashtu që dy vendet të bashkëpunojnë për nxjerrjen dhe furnizimin e aluminit në SHBA për të stabilizuar çmimet.
Putin tha se një marrëveshje e mundshme SHBA-Ukrainë për mineralet e rralla nuk ishte një shqetësim dhe se Rusia “pa dyshim ka, dua të theksoj, shumë më shumë burime të këtij lloji sesa Ukraina”.
“Sa i përket territoreve të reja, është e njëjta gjë. Ne jemi gati të tërheqim partnerë të huaj në të ashtuquajturat e reja, në territoret tona historike, të cilat janë kthyer në Federatën Ruse,” shtoi ai.
Ai sugjeroi gjithashtu se Rusia dhe SHBA mund të bashkëpunojnë për prodhimin e aluminit në Krasnoyarsk, në Siberi ku një prodhues rus i aluminit Rusal ka shkritoret e tij më të mëdha.
Komentet e transmetuara pasuan një takim të kabinetit mbi burimet natyrore të Rusisë.
Të martën zëdhënësi i Kremlinit Dmitry Peskov theksoi për gazetarët se propozimi hapi “perspektiva mjaft të gjera”, duke shtuar se SHBA-ve u duheshin minerale të rralla të tokës dhe Rusia kishte “shumë prej tyre”.
Ndërhyrja e Putinit vjen pasi Ukraina është përballur me presion në rritje nga administrata Trump për të nënshkruar një marrëveshje për akses në depozitat e saj minerale.
Zelenzky e ka kundërshtuar këtë shifër dhe thuhet gjithashtu se dëshiron që çdo marrëveshje të përfshijë garanci sigurie.
