Një puthje që u bë virale në mbarë Europën.
Gjatë një mitingu në Siçili, në Kaltaniseta, ministri i Brendshëm italian, Matteo Salvini, u fut në kurth nga dy vajza, që kryen një puthje lesbike ndërsa bënin një selfie me të.
Njëra nga vajzat, Gaia Parisi e postoi menjëherë në llogarinë e saj në Instagram foton, ku dukej edhe lideri i “Lega”, formacionit të ekstremit të djathtë.
Ajo shkroi si diçiturë: “Përshëndetje mik”.
Pasi një aktivist social e shpërndau atë në median e tij sociale, fotoja pati efektin e një boomi.
Ky incident u bë temë e gjithë mediave italiane.
Gazeta “La Repubblica” e intervistoi njërën nga vajzat që duken duke u puthur në foto dhe ajo shpjegoi se e kishin bërë këtë akt si ndjenjë revolte ndaj ministrit të Brendshëm, i cili po bëhet pengesë për lirinë e shprehjes dhe lirinë seksuale në Itali.
“Puthja jonë ishte një dëshmi e solidariteti me të gjithë ata që u shkelen të drejtat” deklaroi Matilde Rizzo.
Ndërsa Gaia Parisi i tha Euronevs se një truprojë i Salvinit i kishte shtyrë ato ndërkohë që ministri i Brendshëm i kishte uruar ironikisht: “Paçi fat”.
Nga zhurma e madhe që u bë edhe Matteo Salvini e ripostoi vetë foton duke shkruar: “Përshëndetje, mirësi dhe paqe motrat e mia”.
Në marsin e kaluar, lideri i ekstermit të djathtë, gjatë marshimit të familjes në Verona shprehu mbështetjen e tij për familjet që përbëhen “nga një mama dhe një baba”.
Në të njëjtën kohë ai ka dalë në mbrojte edhe të aktivistëve që kërkojnë ndalimin e abortit dhe është shprehur kundër adoptimit të fëmijëve nga homoseksualët.