Dhjetëra qytetarë nga Elbasani kanë zgjedhur lumin Shkumbin për të sfiduar këto ditë të nxehta vere. Pushuesit thonë se janë të detyruar të bëjnë këtë zgjedhje për shkak të pamundësisë finaciare për të shkuar në një zonë plazhi.
Por problem kryesor për lumin Shkumbin mbetet ndotja, e cila vërehet përgjatë gjithë rrjedhës, nga ana tjetër pushuesit iu bëjnë thirrje qytetarve që të zgjedhin këtë lum për të kaluar pushimet, pasi është mjaft atraktiv.
Ne këtë vend kemi vite që e frekuntojmë dhe ndiejmë një farë kënaqësie. Vijmë një grup shokësh, këtu argëtohemi, ajri është i pastër dhe kalojmë mirë këtu. Është një peisazh i bukur, por edhe pushojmë lirë këtu.
Megjithëse shpesh është bërë apel për mbrojtjen e lumenjve nga ndotjet, ata vijojnë të mbeten vendgrumbullim të mbetjeve urbane, por për disa qytetarë mundësi e vetme për të kaluar ditët e nxehta, mbeten sërish ata lumenj të ndotur.