Dje u firmos në Shtëpinë e Bardhë marrëveshja për normalizim ekonomik mes Kosovës dhe Serbisë, me bekimin e Presidentit Donald Trump.
Ndërkohë, mediat në Kosovë kanë publikuar një video nga brenda Shtëpisë së Bardhë, në Dhomën Ovale ku u mbajt dhe takimi. Presidenti Trump telefonon në prani të kryeministrit Hoti, Benjamin Netanyahun, kryeministër i Izraelit i cili konfirmon njohjen e Pavarësisë së Kosovës.
Edhe vetë kryeministri Netanyahu ka falenderuar Kosovën, ndërsa ka thënë se ai do të jetë shteti i parë me shumicë myslimane që hap ambasadë në Jeruzalem.
