Dëbimi i gjashtë shtetasve turq nga Kosova,për të cilët Turqia thotë se janë mbështetës të grushtit të shtetit të vitit 2016, ka sjellë mjaft reagime si brenda ashtu edhe jashtë.
Një ndër reagimet më të fuqishme ishte ai i presidentit të Turqisë, Rexhep Taiip Erdogan i cili kritikoi ashpër kryeministrin Haradinaj pasi ky i fundit kritikoi dëbimin e shtetasve turq nga Kosova si edhe shkarkoi Ministrin e Brendshëm.
Ky veprim i Haradinajt nuk e ka kënaqur aspak Erdoganin i cili në një fjalim të tijin shprehet se: “Kryeministri i Kosovës i largoi nga detyra personin në krye të inteligjencës dhe ministrin e Brendshëm. Unë tani pyes kryeministrin e Kosovës: Me udhëzim të kujt more një hap të tillë? Prej kur fillove t’i mbrosh ata që u përpoqën t’i bëjnë grusht shteti Republikës së Turqisë?”, është shprehur Erdogan në një takim të partisë së tij.
“Si mund t’i ushqesh këta njerëz që kanë bërë një tentativë për grusht shteti ndaj Turqisë e cila mirëpret Kosovën si një vëlla. Do të japësh llogari edhe t’i për këtë. Vëllezërit e mi kosovarë nuk i japin kredibilitet një kryeministri si ti. Vëllezërit e mi kosovarë, kosovarët që i njoh dhe i di, do të kërkojnë llogari prej teje për këtë. Unë e di edhe këtë”. /G.Gj/Lexo.al/
