Shqiptari që u qëllua me plumb në kokë për vdekje në një lokal në Itali është shtetasi Vladimir Topjana, 43 vjeç. Mësohet se Topjana kishte dalë jashtë në një lokal për të parë ndeshjen e mbrëmjes mes Romës dhe Juventusit në Seria A.
Ai ka qenë duke biseduar me një të afërm, kur i është afruar një Audi i bardhë. Personat që kanë zbritur nga makina kanë nisur të debatojnë me viktimën. Debati i fortë ka bërë që klientët në lokal të përpiqen ta qetësojnë situatën. Më pas, shqiptarët kanë shkuar në një hapësirë mes dy bizneseve, ku dhe ka ndodhur vrasja. Një nga tre plumbat e ka kapur Toplanën në kokë, duke ia sjellë vdekjen e menjëhershme.
Policia italiane raporton se pranë vendit të ngjarjes ka qenë edhe kunati i Toplanës, që fillimisht s’ka kuptuar se çfarë po ndodhte. Më pas ka arritur edhe djali i viktimës. Viktima e frekuentonte shpesh zonën, pasi kishte edhe të afërm aty. Autori u arratis nga vendngjarja fillimisht me Audi, por më pas u kap nga karabinierët.
