PSG nuk di të ndalet, pas Neymar tani synon Guardiolan

Presidenti i Paris Saint-Germain, Nasser Al-Khelaifi e dëshiron trajnerin e Manchester Cityt, Pep Guardiola si pasues të Unai Emeryt, kur ky i fundit të largohet nga klubi parisien.

Gjiganti francez nuk dëshiron të ndalet dhe ideja e tyre është që në Parc des Princes t’i sjellin emrat më të mëdhenj të futbollit botëror.

Pasi thyen rekordin e transferimeve me afrimin e Neymarit nga Barcelona për 222 milionë euro, tani drejtuesit sheik të PSG-së duan Guardiolan në krye të skuadrës.

Është gazetari i njohur francez, Daniel Riolo, i cili ka bërë të ditur dëshirën e drejtuesve të klubit parisien për të pasur më të mirët në skuadër.

“Ëndrra e madhe e drejtuesve është të arrijnë te Guardiola”, ka thënë fillimisht Riolo për mediumin RMC.

“Ëndrra e tyre është që të rrëmbejnë më të mirët, ata kanë Neymar, ata duan trajnerin më të mirë, Guardiola”.

“Por në këtë rast, është e nevojshme të presësh fundin e vitit pa pasur garanci për ta bërë atë”.

“Kjo mund të jetë lojë. Mund të jetë lojë, por (drejtori sportiv) Antero Henrique nuk është domosdoshmërisht një tifoz”, përfundoi gazetari i njohur francez.

Ndryshe, PSG është lidhur edhe emra tjerë të trajnerëve të mëdhenj si Jose Mourinho, Massimiliano Allegri dhe Antonio Conte.