Gjatë konferencës me gazetarët ditën e sotme, Rama tha se shumë shpejt do të ketë edhe një vizitë zyrtare në Shkup. Kreu i qeverisë tha se shpreson që në këtë takim të jetë i pranishëm dhe Albin Kurti, teksa shtoi se shumë shpejt pret që të vizitojë dhe Prishtinë, takim që e ka shtyrë pas ka pritur disa zhvillime.
“Pak ditë do të jem vetë në Shkup për një takim rajonal që do të jetë atje. Shpresoj të jetë dhe kryeministri i Kosovës.
Nuk e di nëse do të vijë apo jo, nuk e kam këtë informacion, por besoj se do të takohem.
Nuk e kam realizuar vizitën atje aq shpejt sa unë mendoja, por jo për shkaqe që lidhen me ndonjë problem në Prishtinë, por thjesht sepse e kanë pritur disa zhvillime që kanë filluar të ndodhin, pastaj do të shkoj patjetër”, tha Rama.
