Nuk kanë të sosur rastet e të rinjve të cilët tentojnë që t’i japin fund jetës. Një tjetër vajzë në një moshë të re ka provuar që të vetëvritet. Ajo ka zgjedhur një formë e cila sa vjen e shtohet në këto kohë për t’u vetëvrarë.
Shtetasja F.N vjeç 19, banuese në lagjen “Fahri Ramadani” ka pirë medikamente duke kaluar në mbidozë gjë e cila i ka sjellë menjëherë probleme të mëdha shëndetësore. 19 vjeçarja është dërguar me shpejtësi nga familjarët në spitalin rajonal të Shkodrës.
Pas ndërhyrjes së mjekëve shtetasja F.N ka shpëtuar dhe tashmë është jashtë rrezikut për jetën.
Këta të rinj në pjesën më të madhe të rasteve edhe pse në një moshë të re për shkak të problemeve sociale që kanë tentojnë që t’i japin fund jetës duke pirë ilaçe mbidozë. Ky vit ka një numër të shtuar të këtyre rasteve çka tregon se po bëhen raste gjithnjë e më shqetësuese. Ja njoftimi i policisë:
Më datë 17.05.2018, në banesë, në lagjen “Fahri Ramadani”, është vetëhelmuar me medikamente, shtetasja F.N vjeç 19, e cila ndodhet në spital, jashtë rrezik për jetën. Materialet i kaluan Prokurorisë se Rrethit Gjyqësor Shkodër. Neni 99 i Kodit Penal.
