Partia Socialiste ka depozituar paraditen e sotme kërkesën për pavlefshmërinë e mandatit të kryetërit të bashkisë Mallakastër në Gjykatën Kushtetuese. Agron Kapllanaj është i dënuar me dy vite vurg në Itali për vjedhje. 49 deputetë të PS depozituan kërkesën për heqjen e mandatit.
Nga selia e partisë, deputetja Klotilda Ferhati tha se përpara kësaj paligjshmërie PS-ja ka vendosur t’i drejtohet Kushtetueses.
“Agron Kapllanaj është i dënuar për vjedhje me 2 vjet burg, dhe ne kërkuam pavlefshmërinë e mandatit të tij, por vetëm se përfaqëson PD, Klement Zguri zgjodhi të mos i heqë mandatin”,- tha ajo. /AlpeNews.al/
