Ka patur shumë lajme, postime dhe urime për Majlinda Bregun në ditët e para të 2019. Mes tyre, nuk kanë munguar as surprizat e këndshme. Ish ministrja e Integrimit dhe ish deputetja e Partisë Demokratike, Majlinda Bregu ka marrë zyrtarisht detyrën e re si Sekretare e Përgjithshme e Këshillit të Bashkëpunimit Rajonal në Sarajevë. Ky institucion varet nga Bashkimi Europian dhe kjo konsiderohet një nga detyrat më të larta që shqiptarët kanë marë në institucionet ndërkombëtare.
Ky vendim i saj është pritur mjaft mirë nga miqtë e dashamirësit, por duket se edhe dikur “rivalet në politikë”. “Aleanca e Grave Deputete” nuk qenka thjeshtë një forum formal brenda Parlamentit shqiptar. Vasilika Hysi, një nga zonjat e PS në këtë institucion dhe numri 2 i Kuvendit të Shqipërisë, me anë të një “like” në një postimet e Alpenews.al, ka dhënë “pëlqimin” e saj për këtë arritje ndërkombëtare, të grave shqiptare në politikë.
Zonja Hysi e ka shprehur solidaritetin dhe urimin e saj në opinionin e Zefina Hasanit: Majlinda, eshte nje telefonatë larg. Përtej të gjithave që kemi parë më së shumti si shfaqje negative në publik nga ana e politikës shqiptare, opinioni ka më shumë nevojë qoftë edhe për xheste kaq fine sa ajo e zonjës Hysi për ish kolegen Majlinda Bregu. Nuk është çudi që në ndonjë aktivitet zyrtar të Këshillit të Bashkëpunimit Rajonal, Vasilika Hysi dhe Majlinda Bregu të jenë të ulura përkrah ose përballë njëra- tjetrës; njëra si përfaqësuese e BE e tjetra e Parlamentit të Shqipërisë.
Përgatiti: Alpenews.al
