Lamtumirë pushime verore dhe mirësevini në sezonin e ri politik të mazhorancës qeverisëse. Me sa duket ky është mesazhi I heshtur që po përcillet ditët e para të kësaj jave, në ambjentet e qeverisë dhe të selisë së Partisë Socialiste, ku ka filluar të lëvizi gjithçka.
Kryeministri Edi Rama sipas raportimeve të medias të martën ishte në Lezhë, në takim me drejtuesit politikë të rajonit të Veriut të Shqipërisë, që përfshin 4 qarqe dhe 15 bashki të vendit. Theksi u vendos tek filozofia e re e funksionimit të pushtetit lokal pas zgjedhjeve të 30 Qershorit dhe bashkëqeverisja e PS me qytetarët.
Ndërsa e mërkuara mësohet se ka nisur që në 08.30 në selinë rozë në qendër të Tiranës, ku është zhvilluar mbledhja e parë e sekretariatit të PS për këtë sezon të ri politik. Në shtator socialistët nisin fushatën për zgjedhjet e brendshme në parti, një proces sipas parimit “një anëtar një votë” që do të kulmojë me Kongresin e janarit 2020.
Pasdite në funksion të kësaj axhende të re politike, Partia Socialiste mbledh në orën 18.00 Kryesinë e saj ku pritet veç të tjerash që të diskutohet për drejtimin politik të qarkut të Shkodrës, pas dorëheqjes së Valdrin Pjetrit. Mediat kanë publikuar edhe 4 emrat që mendohet se do të diskutohen për të përzgjedhur drejtuesin e ri politik të qarkut të rëndësishëm të veriut.
Bëhet fjalë për Senida Mesin ish zv. Kryeministre, Megi Ajtyresën ish Kryetare e FRESSH, Zef Çunin ish- zv. Ministër i Kulturës dhe Astrit Becin ish deputet i PS. Asgjë nuk është zyrtare, ndaj pritet përfundimi i mbledhjes së Kryesisë së PS për të mësuar vendimin zyrtar, si dhe vendimet e tjera që pritet të meren në të.
Ndryshe nga partitë e tjera, PS po tregon se e ka shumë të qartë axhendën e saj politike në vijim, ndaj nuk po humbet më kohë për tia nisur nga puna që tani në gusht, për sezonin e ri politik që fillon në shtator.
Alpenews.al