Në bashkinë Fier vijon numërimi i votave, ndërsa deri tani kandidati i Partisë Socialiste në Fier, Armando Subashi është mbi 20 mijë vota para kandidatit të Bashkë Fitojmë, Edvar Kodheli.
Në një intervistë për Euronews Albania, Kodheli u shpreh se nuk e priste aspak këtë rezultat dhe se do të bëjë një analizë të detajuar një moment të dytë për të nxjerrë konkluzionet.
“Nuk prisja absolutisht me kaq diference, është diçka e pashpjegueshme çfarë ka ndodhur. Më duhet të bëjë verifikimet e nevojshme që të nxjerr konkluzione.
Procesi është dukur i rregullt, por të shtunën ka pasur lëvizje të çrregullta. për mua është një rezultat tepër negativ, kam qenë në terren ku kam takuar shumë njerëz”, tha Kodheli.
