Provokimi i fundit i Pierr-Emerik Aubameyang-ut ka ardhur ndërsa Borusia e Dortmundit barazonte në fushën e Hertës së Berlinit: sulmuesi gabonez, i cili u la jashtë nga trajneri Shtëger, ndodhej 500 km larg duke luajtur kalçeto me bluzën e ish-shokut të skuadrës, Osman Dembele.
Ekzaktësisht me bluzën e francezit, i cili zgjodhi një mënyrë të ngjashme largimi te Barcelona në verë dhe një taktikë të tillë po e përdor edhe Obamejang për t’u shitur tek Arsenali.
Trajneri Peter Shtëger këmbëngul se një gjest i tillë nuk e shqetëson: “Nuk shqetësohem aspak nëse Oba është duke luajtur diku gjetkë tani. Është vendimi i tij. Nëse ai do të ishte stërvitur mirë, do të kishte luajtur. E lashë jashtë sepse nuk e pashë të përqendruar te ndeshja”.
Nga e gjithë kjo situatë është nervozuar edhe shoku i tij i skuadrës, Ande Shyrrle: “Kemi folur shpesh me të dhe duket një djalë i mirë, sikur të kupton. Por se çfarë kalon në kokën e tij, askush nuk e di”.
