Kryetarja e LSI Monika Kryemadhi është shprehur mbrëmjen e sotme se tashmë nuk është problem grumbullimi i njerëzve në protestë, por përmbajtja e tyre.
E ftuar në emsionin ‘360 Gradë’, Kryemadhi shtoi se njerëzit janë të zemëruar dhe mendojnë se inatin e tyre mund ta nxjerrin duke rrëmbyer një godinë dhe ta djegin atë.
‘Një nga problemet më të mëdha që kemi ne në protesta është që mundohemi dhe energjitë tona më të mëdha nuk shkojnë për të sjellë njerëzit. Ka ikur para 2, 3, 4, 5, apo edhe 6 viteve qoftë PS, PD apo edhe ne problem kishim pjesëmarrjen në protesta, apo edhe evenimente. Sot nuk është problemi për ti sjellë njerëzit, është problemi për ti përmbajtur ata. Njerëzit janë aq të zemëruar saqë mendojnë se inatin e tyre mund ta nxjerrin duke rrëmbyer një godinë dhe duke e djegur atë. Por nuk është ku problemi. Nuk është problemi të djegësh godinën, se mund ta djegësh dhe nuk e e mund fenomenin’, përfundoi Monika Kryemadhi.
