Qindra punonjës të kompleksit “Rozafa Fish City”, fabrikë e prodhimit dhe eksportimit të produkteve të detit në vendet e BE-së, kanë protestuar sot ndaj akuzave për këtë kompani.
Disa banorë të fshatit Labinot, pretendojnë se pronari i fabrikës po u zapton tokat, ndërsa thonë se po kjo fabrikë ndot lumin duke hedhur mbetjet në Shkumbin.
Por këtyre akuzave së fundmi u janë përgjigjur edhe vetë punonjësit e kësaj fabrike. Gratë e punësuara në fabrikë nga zonat përreth i kanë quajtur akuzat e turpshme dhe të montuara politikisht nga Partia Demokratike.
Njëra nga punonjëset thotë se është banore e fshatit dhe hedh poshtë akuzat se pronari i saj kërkon t’u zaptojë tokën në fshat.
