Ashtu siç ishte paralajmëruar, ka nisur para parlamentit protesta kundër prishjes së Teatrit Kombëtar, dhe kundër projektligjit që lejon këtë akt.
Artistë, politikanë, mbështetës të opozitës dhe qytetarë janë mbledhur para parlamentit për të kundërshtuar vendimin e qeverisë.
Aktori Neritan Liçaj, u shpreh:
Ky projektligj sipas procedurave është i panevojshëm. Ky ligj edhe pse në vetvete ka elementë të rëndësishëm financiar, por vendos një standard në kundërshtim me Kushtetutën e Shqipërisë”
Liçaj tha më tej:
Përfundimisht kërkojmë kthimin mbrapsh të projketligjit. Kërkojmë që Presidenti, të vlerësojë maksimalisht këtë tentativë për cënimin e pronës publike”
Liçaj u bëri thirrje edhe institucioneve duke filluar nga Prokoruria si dhe iu drejtua avokates së popullit.