Ministrja e Shëndetësisë Ogerta Manastirliu e ftuar në emisionin “Open” të gazetares Eni Vasili tregoi se nga protesta e sotme përpara Kuvendit kanë mbetur të plagosur 3 protestues që janë në gjendje të mirë shëndetësore dhe 11 efektivë policie nga të cilët dy janë rëndë.
“Ka qenë një ditë shumë e vështire dhe e rëndë për të gjithë, këtë e tregojnë edhe pamjet. Ina është një vajzë 24-vjeçare. Efektive e re që është dhunuar dhe them çfarë fati që ka ngritur dorën dhe nuk i ka rënë në fytyrë. Çdo gjë zgjidhet me dialog dhe mirëkuptim. Protestuesit tejkaluan ato momente dhe aty ndodhen edhe momente të dhunshme mes efektivëve dhe protestuesve. Ajo që dua të them është që në momentin që kjo ngjarje ndodhte ne ishim në Kuvend duke marrë vendime të rëndësishme për mirëqëinen dhe ato që do siguroheshin nga buxheti i 2019-tës.
S’duhet të ndodhte dhuna ndaj policisë dhe sigurisht në këtë konfrontim kishte dhe protestues të cilët u plagosën. Tre protestues janë plagosur dhe janë në gjendje të mirë shëndetësore. 11 efektivë janë plagosur dhe situata më e vështirë është për dy efektivë të policisë.”, u shpreh Manastirliu.
