Kanë mbetur të lënduar 6 efektivë policie si dhe zv.drejtori i Tiranës, Dhimitraq Ziu, nga hedhja e kapsollave nga protestuesit para Kuvendit.
Policia u ka bërë thirrje protestuesve me megafon që të mos hedhin kapsolla dhe te distancohen nga dhuna.
“Distancohuni nga dhuna. Jemi ne detyre. Ju lutem mos hidhni kapsolla”, kanë kërkuar ata.
Nderkohe ka mberritur ambulanca, ndersa raportohet se nje protestueseje i ka rene te fiket gjate konfrontimit te meparshem me policine ku protestuesit tentuan te hyjen brenda ambienteve te seances plenare.
Njoftimi i policise:
Gjatë protestës që përshkallëzoi në akte dhune ndaj forcave të rendit, përballë godinës së sallave plenare të Kuvendit të Shqipërisë janë plagosur 6 efektivë të Policisë së Shtetit. `
Efektivët janë lënduar me mjete të forta dhe piroteknike, hedhur nga tubuesit mbi punonjësit e Policisë, të cilat dhe janë dërguar në spital për ndihmë të specializuar mjekësore. Një punojëse policie ka dëmtime më të rënda në krah.
Policia e Shtetit u bën thirrje protestuesve dhe përfaqësueve politikë për distancim nga dhuna dhe nga goditjet ndaj punonjësve të rendit.
