Nëna Liza ka dalë sërish në protestë duke kërkuar largimin e kryeministrit Edi Rama dhe qeverisë së tij.
Ajo u shpreh se Rama dhe vartësit e tij duhet t’i hapë rrugën të rinjve. Nënë Liza iu drejtua protestuesve duke thënë se “s’duhet të flasin më me fjalë të buta, pasi e zë gjumi”.
Ndërsa krahasoi Shqipërinë me Ukrainën, por me ndryshimin që ata sulmohen nga Rusia ndërsa “ne nga shteti ynë”.
“Shtëpitë e veta i kanë të blinduara, tonat i kanë shkatërruar. ani thonë te ecim me gomar, mos laj me lavatriçe por me ujë të ftohtë. Nëse jeni burrë dilni para popullit, jepni një përgjigje. Këto janë ferra e Shqipërsë. Ka shumë rini për ti zëvendësuar, s’ka nevojë ti mbajnë, boll 8 vite. Bëjmë thirrje sa më shumë, sa më të fortë. Jo më lezetim, jo me fjalë të buta se e zë gjumi. Na kërkojmë t’i falim shtëpinë. Rusia po i bie ukrainës, por neve po na bie shteti ynë. Kush është ai burrë që nuk mbron shtëpinë dhe gruan e vet. Policia të mos arrestojë rininë, por të bashkohet me ne. Ukraina është Shqipëri, ky është tupi i Zotit të luftosh vendin tënd”, tha ajo.
Nëna Liza është banore e zonës së 5 Majit në kryeqytet, banesa e së cilës dhe dhjetëra qytetarëve të tjerë, u shemb për t’i hapur rrugë projektit të Unazës së Madhe.
