Vijojnë arrestimet e protestuesve nga policia pas protestave të djeshme në Fier e Rroskovec, të organizuara nga Dega e Partisë Demokratike, si kundërpërgjigje ndaj vizitës së Kryeministrit Rama.
Pas arrestimit të rreth 45 personave, pjesëmarrës në protestë, arrestimet kanë vijuar edhe përgjatë mbrëmjes së djeshme. Ku midis personave të arrestuar, policia ka kërkuar edhe shoqërimin e ish- deputetit dhe njëkohësisht Kryetarit e Degës së PD Fier, Luan Baçi.
Lajmin e ka bërë me dije vetë ish-deputeti Baçi, i cili në një prononcim për Fax News, është shprehur se i është telefonuar të paraqitet në polici, si dhe po ashtu ka konfirmuar se shoqërimet në polici të pjesëmarrësve në protestën e djeshme vijojnë ende.
