Prej dy ditësh Bagdadi është përfshirë në protesta masive anti-qeveritare.
Me mijëra qytetarë protestojnë për mungesën e vendeve të punës, korrupsionin që ka përfshirë shtetin e Irakut si dhe mungesën e shërbimeve shtetërore.
Qeveria vendosi të krijojë një rrethim në kryeqytet duke i penguar qytetarët të largohen si dhe të tjerë të futen brenda territorit të Bagdadit.
Forcat e rendit kanë bllokuar rrugët kryesore dhe urat lidhëse, madje kanë bllokuar lidhjen në internet për t’i penguar protestuesit të organizohen nëpërmjet rrjeteve sociale.
Të paktën 18 persona janë raportuar të vdekur që nga fillimi i protestës ditën e martë, madje nga raportimet e fundit policia ka përdorur armë zjarri të vërteta kundrejt protestuesve.
Kjo protestë, megjithëse kishte mungesë organizimi në fillim, është konsideruar si më e madhja e viteve të fundit.
Një reagim pati dhe nga Shtetet e Bashkuara kanë shprehur shqetësime kundrejt dhunës dhe pritet që të ketë një reagim prej tyre.
