Me të drejtë studentët kanë kërkuar përmes protestës rritje të përfaqësimit të tyre në organet vendimarrëse të Universitetit. Nëse i referohemi Senatit Akdemik të Universitetit të Tiranës, organit që përcakton dhe vendos tarifat vjetore për studentët, nga 35 anëtarë të tij, vetëm 4 anëtarë janë nga rradhët e studentëve.
Por a përfaqësojnë këta të katërt realisht interesat e studentëve shqiptarë? Përse këtyre katër anëtarëve nga rradhët e studentëve nuk ua kemi dëgjuar kurrë zërin të flasin për shqetësimet e studentëve përpara se të nisnin protestat?
Faktet tregojnë që më shumë se sa studentët, këta të rinj janë përdorur si gurë shahu për të kapur vendimarrjen në senatin akademik, konkretisht nga Lëvizja Socialiste për Integrim. Katër anëtarët nga rradhët studentore në senatin akademik të UT-së rezultojnë drejtues të LRI-së.
1- Rea Kotani, mban postin e nenkryetares se Levizjes Rinore per Integrim, kandidate për deputete në qarkun Tiranë.
2- Dejana Kallogjeroviç është anëtare në Këshillin Bashkiak të Tiranës, nën siglën e LRI-së dhe në senat përfaqëson fakultetin e Historisë dhe Filologjisë.
3- Kristian Kina, është koordinator i LRI për qarkun Fier dhe anëtar i komidetit drejtues të LRI.
4- Aldo Hoxha, përfaqësues i fakultetit të drejtësisë.
Siç duket qartë, LRI ka kapur organet vendimarrëse të studentëve, për të mos përfaqësuar asnjë interes studentor. Por ajo që është më skandaloze, kapja nga LSI e strukturave kolegjiale të universitetit, tregon se edhe protesta që nisi si e studentëve, mund të jetë ngjizur nga po të njejtët ushtarë partie që fshihen pas strukturave të studentëve.
