Mbështetësit e opozitës shqiptare marshuan në një protestë anti-qeveritare të shtunën për të kërkuar dorëheqjen e kryeministrit Edi Rama. Një ditë më parë Bashkimi Evropian dhe SHBA i paralajmëruan ata për të shmangur dhunën dhe për të mbajtur bisedime për të zgjidhur krizën politike.
Protestuesit u mblodhën nga e gjithë vendi në Tiranë duke valëvitur flamuj kombëtar dhe të BE e duke thirrur “Rama Go!”.
Disa protestues hodhën flakë dhe bomba tymi, ndërsa policia u përgjigj duke hedhur ujë. Liderët e opozitës u përpoqën të ndalojnë ata që hedhin gurë drjet policisë.
Protestat e drejtuara nga Partia Demokratike të cilat kanë vazhduar që nga mesi i shkurtit, shpesh janë shoqëruar me dhunë.
Një deklaratë nga zyra e BE në Tiranë dënoi dhunën e protestave të kaluara, duke u bërë thirrje të gjitha palëve të zhvillojnë bisedime për të gjetur “një rrugëdalje nga situata aktuale politike”.
Ambasada e Shteteve të Bashkuara në Tiranë i kërkoi gjithashtu të gjitha palëve “të hedhin poshtë dhunën dhe të angazhohen për dialog konstruktiv”.
Opozita nuk ka pranuar të dialogojë nëse Rama nuk jep dorëheqjen. Ajo akuzon kabinetin e tij duke e quajtur të korruptuar dhe të lidhur me krimin e organizuar. Socialistët i mohojnë këto pretendime dhe thonë se protestat e dhunshme të opozitës po dëmtojnë imazhin e vendit.
Kreu i Demokratëve, Lulzim Basha, tha të shtunën se dorëheqja e Ramës ishte “e vetmja mënyrë për të hapur dialogun”. Ai pastaj udhëhoqi mbështetësit e tij në një marshim drejt ndërtesës së Parlamentit me celularë të ndezur të mbajtur lartë.
Opozita po bojkoton zgjedhjet bashkiake të Shqipërisë më 30 qershor.
Në qershor, Shqipëria pret që BE të japë kërkesën e saj për të nisur negociatat e plota të anëtarësimit.
Përgatiti: AlpeNews.al
