Partia Demokratike dhe Partia e Lirisë do të zhvillojë sot protestën e radhës që ndryshe nga herët e tjera kanë bërë plan që ‘mosbindjen civile’ ta ndërmarrimin përmes bllokimeve të rrethrrotullimeve kryesore të vendit, duke nisur nga ora 17:00.
Ata kanë paralajmëruar bllokimin e mbikalimit te Kthesa e Kamzës, Segmenti “Casa Italia – Sheshi Shqiponja”, Rrethrrotullimi Milot. Rrethrrotullimi Shkozet, Rrethrrotullimi Rrogozhinë, Rrethrrotullimi Levan”.
Sakaq, forca të shumta policore dhe zjarrfikëse janë bërë gati për çdo skenar të mundshëm që pritet të ndodhë në rrugët e kryeqytetit.
Në zonën e ish-doganës, andej nga pritet të kalojnë dhe protestuesit që do të vijnë nga qytetet e tjera, janë bërë gati një numër i konsiderueshëm makinash policie dhe zjarrfikësesh.
