Ditën e nesërme opozita do të mbajë protestën e paralajmëruar përpara Kryeministrisë, dhe pë rkëtë ata janë përgatitur në mënyrën e tyre.
Policia thotë se ka informacione që persona me precedentë kriminal do të tentojnë të shkaktojnë incidente. Ndonëse Partia Demokratike i quan spekulime, e sipas tyre e vetmja e interesuar për dhunë është qeveria.
Megjithatë protesta e nesërme pritet të jetë ndryshe nga të tjerat, qoftë nga përmasat, apo skenaret.
Kryedemokrati Lulzim Basha sot i është bashkuar protestuesve të “Astirit”. Ajo që bie në sy janë disa parrulla që mbajnë në dorë protestuesit aty. Parrullat duket që kanë dalë nga Selia Blu, pasi janë të fotoshopuara dhe printuara në letër me ngjyra.
Parrullat në protestat e mëparshme të PD-së kanë shënjestruar korrupsionin dhe zyrtarët e inkriminuar. Por këtë herë duken më të drejtpërdrejta.
Nëse i shikoni me vëmendje aty dallohet godina e Kryeministrisë dhe koka e Edi Ramës, të rrethuara nga disa sëpata.
Çdo sëpatë ka nga një emër, të grupimeve që kanë organizuar protesta gjatë viteve të fundit si “studentët”, “artistët”, “unaza e re”..
A është ky një mesazh artistik për të shprehur revoltën e qytetarëve ndaj Ramës, apo diçka më shumë?
Po me sa duket, Basha dhe njerëzit rreth tij nuk dinë çfarë bëjnë dhe në lidhje me simbolikën që përcjellin parrullat.
Sopatat që janë kryqëzuar në foto mbi kokën e Edi Ramës, kanë simbolikën e “sopatës së Liktorit” që ka qënë dhe mbetet simboli i Italisë në kohën e fashizmit dhe Duçes së madh.
Mister mbetet fakti nëse është padituri apo është përdorur me qëllim kjo simbolikë.
