Regjisori Robert Budina ishte edhe sot prezent në protestë teksa deklaroi nga sheshi se rezistenca kundër qeverisë duhet të vazhdojë.
Në prononcimin e tij për mediat, Budina tha se protesta është edhe brenda zemrës së policisë dhe kjo do të shihet në vazhdimësi.
“Njerëzit më aktivë janë në komisariate dhe burgje. Nuk duhet të shohim thjesht pjesëmarrjen, por duhet të shohim se në çfarë momenti psikologjik ndodhet kryeministri dhe qeveria. Nëse ai nuk e dorëzon shefin e policisë, nëse nuk fillon reforminin e policisë, protesta do të vazhdojë gjithmonë. Protesta e këtyre njerëzve është edhe brenda zemrës së policëve dhe këtë do ta shohim në vazhdimësi. Jam i bindur që kjo do të kurorëzohet me fitore të qytetarëve,” u shpreh Budina.
