Kryedemokrati Lulzim Basha fton shqiptarët t’i bashkohen të hënën më 8 korrik protestës së opozitës së bashkuar. Në një postim në “Facebook”, Basha ka shpërndarë një video me filmime nga 30 qershori dhe ku thuhet se pluralizmi u vra dhe në fund thirrjet në protestën e kaluar.
Lideri i opozitës fton shqiptarët bashkë me familjet dhe fëmijët e tyre për t’u bashkuar kundër diktaturës.
“Me 30 qershor 85% e shqiptarëve refuzuan dhunimin e Kushtetutës. 85% e shqiptarëve refuzuan farsën e votimeve moniste, 85% e shqiptarëve refuzuan politikën e bërë njësh me krimin. 85% e shqiptarëve refuzuan politikat e varfërisë dhe mjerimit. 85% e shqiptarëve refuzuan vjedhjen me ligj, me PPP, me koncesione dhe oligarkë. 85% e shqiptarëve refuzuan Edi Ramën!
Të hënën #8korrik në ora 20:00 bashkohemi të gjithë në Tiranë kundër diktaturës, bashkohemi në mbrojtje të lirisë dhe pluralizmit, bashkohemi për familjet dhe fëmijët tuaj, për #ShqipëriaSiEuropa!
Asnjë hap pas! #RamaIk
