Luljeta Heshta, 47 vjeç është prostituta shqiptare e qëlluar për vdekje me thikë në mes të ditës në Itali, teksa ajo po priste klientët në trotuar.
Vrasësi e ka thirrur atë, pastaj e ka ndjekur, ku më pas e ka qëlluar 5 herë me thikë për vdekje. Kjo ngjarje ka ndodhur në mes të ditës në Pedriano, midis San Giuliano dhe Melegnano, ndërsa disa kalimtarë ishin dëshmitarë të ngjarjes.
Autori është larguar dhe është në kërkim nga policia. As arma e ftotë e vrasjes nuk është gjetur akoma. Gruaja për të paktën dhjetë vjet ndodhej në Itali dhe mjaft e njohur në zonën ku ajo po ushtron prostitucionin për disa kohë, u sulmua në rrethrrotullimin, në hyrje të rrugës për në Pedriano, një fshat i San Giuliano Milanese. Një zonë, si Binasca dhe rruga për në Pedriano, ku prostitucioni në rrugë është i zakonshëm.
Gruaja nuk arriti t’i shpëtonte sulmuesit të saj i cili e tërhoqi zvarrë për tokë dhe e goditi vazhdimisht me thikë në këmbë dhe shpinë, duke e lënë atë duke vdekur në tokë.
Supozohet se ai kishte një makinë me të cilën është larguar, ose se dikush mund ta ketë shoqëruar atë.
