Rastet ku të rejat bihen pre e shfrytëzimit të prostitucionit nuk janë të pakta. Bëhen gjithnjë e më të renda kur si këmbim, vajzat përfitojnë edhe vende pune, edhe pse shfrytëzohen në mënyrë të pamëshirshmë qoftë edhe të mitura nga “shefet” apo “shefat” e tyre.
Duket se ka një tendencë që këto të ndodhin në qendrat e estetikës, si SPA apo Parukeri për një arsye fare të thjeshtë për to. Është “atraksion” kryesor për femrat në mënyrë që të tërheqin akoma më shumë në bizneset e tyre.
Çfarë ndodhi sot dhe zbulimi i përgjimeve:
Aktiviteti tregtar si qendër estetike dhe masazhesh ka qenë vetëm kamuflim për bazë prostitucioni në rrugën “Jusuf Vrioni” në Tiranë. Klientët e SPA-së e dinin se kundrejt pagesave që varionin nga 3 mijë lekë deri në 50 euro, masazhet trupore shndërroheshin në erotike.
Gjykata e Tiranës ka përfunduar procesin gjyqësor ndaj pronares 38 vjeçare të qendrës, të pandehurës Enkeleda me inicial mbiemri I. Ajo u shpall fajtore për “shfrytëzim të prostitucioni” dhe “mbajtjes së lokaleve për prostitucion” dhe u dënua me 4 vjet e 8 muaj burg”. Ajo nuk do të shkojë në qeli pasi gjykata e konvertoi dënimin në “Shërbim Prove” për një afat 5 vjeçar. Gjatë gjykimit ajo ka pranuar akuzën, duke rrëfyer detajet e aktivitetit të jashtëligjshem dhe faktin se një nga vajzat e qendrës ishte e mitur.
Por si rekrutoheshin vajzat e shërbimeve erotike?
Bazuar në dosjen gjyqësore, Enkeleda kishte punësuar pesë vajza si masazhatore, disa prej të cilave ofronin shërbimet “ekstra”. Referuar dëshmive të tyre, në takimin e parë ajo i informonte se ne qendër kishte masazhe relaksi, terapi dhe erotik.
Sipas pagesave, përveç masazhit trupor klientët masturboheshin ose u ofrohej seks oral. “E pandehura Enkelejda-, thuhej në dosje,- ju thoshte vajzave që mos ta turpëronin, pasi klientët duhet të mbeteshin të kënaqur”.
Gjatë hetimit të këtij aktiviteti prostitucioni të goditur në shkurt të vitit 2017, janë administruar edhe tekstet e disa sms-ve të mbërritura nga në telefonin e Enkeledës nga klientë të ndryshëm.
“Kemi sot që të vij?”, “Kemi ndonjë gocë të re sot shefe”, ishin dy prej tyre të zbardhur në dosje.
Në të njëjtin gjykim u fajësua për akuzën e “prostitucionit” dhe u gjobitën me nga 100 mijë lekë një nga vajzat masazhatore dhe një klient i gjetur nga policia në momentin e ndërhyrjes.
Vajzat josheshin në një sallon bukurie në Tiranë
Një tjetër rrjet prostitucioni u kap po në Tiranë, që e kryente aktivitetin e tij në hotele të ndryshme, por si bazë rekrutimi kishte një sallon bukurie në rrugën “Komuna e Parisit” në Tiranë, ku pronare ishte T. Th. një grua 50-vjeçare e arrestuar tashmë, që u afronte femrave shërbime falas..
Të arrestuarit e operacionit të koduar si “Real” janë katër dhe kryesisht të moshave të mëdha, nga 50 deri në 60 vjeç: P.J. 62 vjeç; B. D. 52 vjeç me banim në Kosovë; T. Th. femër, 50 vjeçe si dhe një vajzë.
T. Th. ishte sekserja që mashtronte vajza dhe i rekrutonte për prostitucion. Klientët po ashtu ishin mbi 50 vjeç dhe paguanin 100 deri 200 euro.
Lokal në Tiranë/ Pronarja punëson dy kamariere, i shfrytëzonte si prostituta
Pronarja e një lokali në rrugën e Kavajës pasi ka punësuar dy kamariere i ka shfrytëzuar ato si prostituta.
Policia e Tiranës ka vënë në pranga 61- vjeçares Z.M., dhe i 40 vjeçares F.Ç., me banim në Tiranë.
61- vjeçarja në lokalin e saj në rrugën e “Kavajës”, kishte punësuar si kamariere V. B., dhe F. Ç., të cilat i shfrytëzonte për prostitucion duke u siguruar klientë të ndryshëm dhe merrte pagesë nga këta të fundit për këtë veprim.
Ajo kishte vënë në dispozicion lokalin e saj për ushtrimin e prostitucionit nga dy të punësuarat.
/AlpeNews.al
