Lulzim Basha doli sot në një konferencë për shtyp nga selia e Partisë Demokratike, një ditë pas protestës së djeshme të opozitës në Tiranë.
Ai deklaroi se do ti propozojë forumeve drejtuese djegien e mandateve të deputetëve.
Ai tha se zgjedhjet e parakohshme dhe zgjedhjet e lira janë e vetmja rrugë për të nxjerrë vendin nga kriza politike e pretenduar nga opozita.
“Ne nuk do të vazhdojmë të jemi më pjesë e një parlamenti fasadë.
Kam vendosur ti propozojë Grupit Parlamentarë djegien e mandateve parlamentare, për qëllimin që doli i qartë dje në protestë”, tha ai.
Në fillim të fjalës së tij, Basha tha:
“Dua t’i falënderoj për bashkimin, qëndresën dhe qytetarinë e dëshmuar në protestën më të madhe. Sakrifikuan nga vetja e tyre për ti shërbyer një misioni madhor, çlirimit të qeverisjes nga një grup oligarkësh që kanë marrë peng vendin. Njerëzit që u mblodhën aty përjetojnë qindra probleme halle si ata që nuk patën mundësinë të vijnë.
Ju falënderoj nga zemra sepse ju iu përgjigjët thirrjes së opozitës.Ai urdhëroi dhunimin e të drejtave tuaja. Dhuna ndaj qytetarëve protestues tregon degradimin e këtij shtetit të kalbur.
Asgjë nuk e ndal një popull të tradhtuar dhe të braktisur kur lufton për të drejtat e tij legjitime. në asnjë vend të Europës nuk pranohet një qeveri që është kapur duke vjedhur”.
Do ti propozojë forumeve drejtuese djegien e mandateve të deputetëve,- tha Lulzim Basha në mbyllje të deklaratës së tij.
Alpenews.al
