Këngëtarja e hitit “Bodak Yellow” ka marrë surprizën më të veçantë gjatë koncertit mbrëmjen e djeshme në Filadelfia. I dashuri i saj, rreperi Migos Offset, është ulur në gjunjë për ti propozuar për fejesë, teksa në dorë mbante një unazë 8 karatëshe.
Dëshmitarë të kësaj ngjarje është bërë i gjithë publiku ndërsa kanë filmuar momentin duke mos i kursyer brohorimat dhe duartrokitjet. Cardi B po ashtu nuk e ka fshehur entuziasmin teksa është hedhur përpjetë nga gëzimi e më pas ka përqafuar të fejuarin e saj pasi i ka thënë “Po” propozimit të tij.
Këngëtarja më vonë ka ndarë me ndjekësit e saj në instagram një foto të saj me unazën në dorë, ku ka shprehur mirënjohjen për rreperin me fjalët: ” Dua vetëm të bie në gjumë e të zgjohem për tu siguruar që kjo nuk ishte një ëndërr. Faleminderit Zot për të gjitha bekimet. Të dua shumë @offsetyrn, faleminderit që pe potencialin tim që kur më njohe për herë të parë. Mezi pres të kaloj jetën përgjithmonë me ty.
Do të bëjmë shumë lekë dhe dashuri bashkë”.
Propozimi i papritur i MIgos Offset për Cardi B
