Ka mbërritur mesditën e sotme në prokurorinë e Korçës, Arta Marku. Kryeprokurorja do të marrë pjesë në analizën vjetore të prokurorisë së Korçës dhe Apelit.
Ajo kerkoi hetime me te thelluara ne luften kunder droges per te vene para pergjegjesise grupet kriminale.
Ne fokus te bisedimeve dhe takimeve nga Prokurorja e Pergjithshme do te vleresohet puna ne kete qytet. Sic dihet. Ditet e fundit Marku pa patur vizita edhe ne qytete te tjera, ku tonet me te larta i ka patur ne Vlore.
Nga qyteti bregdetar Marku ka theksuar se nuk do te lihet asnje prone pa u sekuestruar kur te ardhurat jane jo te ligjshme dhe se duhet bere me shume pune per te parandaluar trafikimin. Vlora eshte nje nga pikat e kalimit nga trafikantet drejt Italise dhe me gjere.
Kryeprokurorja Arta Marku: Nxisim aplikimin e Marrëveshjes dhe Urdhërit Penal, me qëllim që prokurorët të jenë më të angazhuar dhe fokusuar tek hetimi i veprave penale me rrezikshmëri të theksuar dhe sensitive për rrethin Korçë.
Mbeshtesim prokurorët për hetime në lëndën e korrupsionit.
Kjo të bëhet duke kërkuar dhe mbështetur forma të reja bashkëpunimi me policinë gjyqësore, agjencitë e tjera në Korçë, si Shërbimi Informativ Shtetëror (SHISH), etj. dhe tërheqja e qytetarëve në luftën kundër korrupsionit.
Perkrahim hetime më të thelluara në luftën kundër drogës, ku megjithë suksesin e arritur, e bën të domosdoshme që prokuroria të mos mbetet vetëm me goditjen e shpërndarësve të lëndëve narkotike, por të identifikojë dhe vendosë përpara përgjegjësisë penale grosistët, grupet që financojnë dhe organizojnë kultivimin e lëndëve narkotike, trafikimin etj.
Mbeshtesim fuqimisht prokurorët për të identifikuar shkelje të ligjit dhe regjistrimin e veprave penale kryesisht sidomos në mënyrën e ushtrimit të pushtetit nga nëpunësit publikë; nëse ushtrimi i pushtetit është në interes publik apo përdoret nga nëpunësit si një formë për të nxjerrë përfitime të paligjshme të çdo lloji.
Nxisim analiza të përbashkëta me organet tatimore dhe doganore për të identifikuar shkelje të ligjit në këto fusha nëse ka, pasi siç del nga raporti për vitin 2017 ka vetëm një kallëzim nga këto organe.
AlpeNews.al
