Aleanca për Mbrojtjen e Teatrit, aktorë dhe qytetarë të shumtë u mblodhën të enjten e kaluar përpara Parlamentit për të protestuar kundër projektligjit që i hap rrugë shembejes së godinës të Teatrit Kombëtar.
Ndonëse protesta vazhdoi gjatë jashtë ambjenteve të Kuvendit, mazhoranca nuk u tërhoq dhe projektligji u votua pas 12 orësh diskutimesh.
Sakaq, aktorët dhe aktivistët nuk janë tërhequr teksa shprehen të vendosur për të vijuar betejën për mbrojtjen e godinës. Ata kanë lajmëruar zhvillimin e një tjetër proteste këtë të enjte.
Mësohet se sot në orën 18:30, qytetarët do të marshojnë drejt Kryeministrisë për t’i bërë thirrje edhe njëherë kryeministrit Edi Rama që të tërhiqet nga ky plan. Protesta do të zhvillohet përapara Kryeministruisë duke qenë se sot nuk do të ketë seancë plenare në Kuvend.
Më pas, protestuesit do të drejtohen për te Presidenca, ku do i kërkojnë presidentit Meta që të mos e dekretojë ligjin anti-teatër.